اسلام آباد(آن لائن) وزیر داخلہ چوہدری نثار علی خان نے قانون نافذ کرنے والے اداروں کو کراچی میں ہنگامہ آرائی اور توڑ پھوڑ کے واقعے کی تمام سی سی ٹی وی فوٹیج دیگر ثبوت 3دن میں فراہم کرنے کی ہدایت کر دی، تفصیلات کے مطابق وزیر داخلہ چوہدری نثار علی خان نے قانون نافذ کرنے والے اداروں کو ہدایت کی ہے کہ وہ کراچی میں22اگست کو ہونے والی ہنگامہ آرائی توڑ پھوڑ اور میڈیا ہاؤسز پر حملے کی تمام فوٹیج سی سی ٹی وی اور دیگر ثبوت 3دن کے اندر فراہم کرئے یہ تمام ثبوت برطانوی حکومت اور اسکاٹ لینڈ یارڈ کو ارساں کیے جائیں گے، ثبوت ملنے کے بعد وفاقی حکومت کی خصوصی ٹیم لندن جائے گی اور برطانوی حکومت سے الطاف حسین کے معاملے پر بات کریں گی۔

موضوعات:چوہدری نثار