اسلام آباد(مانیٹرنگ ڈیسک ) وزیراعلیٰ سندھ مراد علی شاہ پر اسمارٹ فون کی گیم ایپلی کیشن تیار کر لی گئی ہے، جس کا نام ‘‘سی ایم میسٹرو’’ رکھا گیا ہے، پپیلز پارٹی کے جیالے محمد سجیل نے یہ گیم اپلیکیشن تیار کی ہے۔فونز گیم میں وزیراعلیٰ سندھ کو ان مشکلات کا سامنا ہے، جن سے وہ حقیقی زندگی میں نمٹتے ہیں، وزیر اعلیٰ سندھ کو گیم مین جن رکاوٹوں سے خود کو بچانا ہے، ان میں کرپشن ، دھاندلی ، غیرت ، دہشت گردی ، رشوت ، سیلاب وغیرہ شامل ہیں۔
فونز گیم میں مراد علی شاہ سوٹ پہنے ہاتھ میں پیپلز پارٹی کا پرچم لئے ہوا میں اڑتے دکھائی دیں گے اور تمام مسائل اور رکاوٹیں پار کرتے نظر آ ئیں گے۔گیمز میں کھلاڑی کو زیادہ سے زیادہ پوائنٹس حاصل کرنے کے لئے وزیراعلیٰ سندھ کو ان رکاوٹوں کو چھونے سے بچانا ہے۔