اسلام آباد(مانیٹرنگ ڈیسک) نجی ٹی وی رپورٹ کے مطابق ڈاکٹر عاصم اور ایان علی کے معاون وکیل کو قتل کر دیا گیا۔ تفصیل کے مطابق پولیس ذرائع نے نجی ٹی وی سے گفتگو کرتے ہوئے کہا کہ ڈاکٹر عاصم اور ایان علی کے معاون وکیل ناصر ترابی کو قتل کر دیا گیا ہے ۔ پولیس ذرائع کے مطابق ناصر ترابی کی لاش قصور سے ملی ہے اور انہیں فائرنگ کرکے قتل کیا گیا ہے۔ ناصر ترابی سینئر پی پی رہنماء سردار لطیف کھوسہ کے معاون وکیل تھے۔ واضح رہے کہ سردار لطیف کھوسہ ڈاکٹر عاصم اور ایان علی کے کیس میں وکالت کر رہے ہیں۔