لاہور(این این آئی)قندیل بلوچ کے قتل کی اصل وجہ سامنے آگئی،ملزم باسط کے بارے میں بھی اہم انکشافات، پولیس کی تفتیش کے مطابق قندیل بلوچ قتل کا محرک مفتی عبدالقوی بنا مگر مفتی قوی کے قتل کی واردات میں ملوث ہونے یا اعانت جرم کے تاحال شواہد نہیں ملے -قدیل بلوچ قتل کیس میں ملزم باسط کی پولی گرافک رپورٹ ملتان پولیس کو موصول ہو گئی جس میں بتایا گیا ہے کہ ٹیکسی ڈرائیور ملزم باسط کو قتل کا علم تھا ٗاس نے ملزم وسیم اور حق نواز کو فرار ہونے میں مدد دی اور خود روپوش ہو گیا تھا ۔قند یل بلوچ قتل کیس میں اہم پیش رفت ، ڈرائیور ملزم باسط کی پولی گرافک رپورٹ ملتان پولیس کو موصول ہو گئی ۔ رپورٹ کے مطابق ملزم باسط کو قتل کا علم تھا ۔ اس نے وسیم ، حق نواز کو فرار ہونے میں مدد دی اور خود روپوش ہوگیا تھا ۔ ملزم ڈی جی خان فرار ہوا اور موبائل فون بند کر لیا ۔ رپورٹ کے مطابق ملزمان ڈی جی خان سے جس گاڑی پر قتل کرنے آئے باسط اس کا ڈرائیور تھا ۔پولیس کی تفتیش کے مطابق قندیل بلوچ قتل کا محرک مفتی عبدالقوی بنا مگر مفتی قوی کے قتل کی واردات میں ملوث ہونے یا اعانت جرم کے تاحال شواہد نہیں ملے ۔