ٹوکیو(مانیٹرنگ ڈیسک) یہ بات انتہائی ضروری ہے کہ آپ اپنی جلد کو چیک کرتے رہیں اور سال میں کم از کم ایک بار اپنے پاؤں کا معائنہ اچھی طرح کریں کیونکہ جاپانی سائنسدانوں کا کہنا ہے کہ ہمارے پاؤں کو بھی میلانوما(جلد کا خطرناک ترین کینسر )لاحق ہوسکتا ہے۔جاپانی تحقیق میں بتایا گیا ہے کہ ہمارے پاؤں کے اگلے نچلے اور پیچھے والے حصے میں یہ کینسر ہوسکتا ہے کیونکہ چلتے ہوئے یہ دونوں حصے زمین کے ساتھ لگتے ہیں جس کی وجہ سے ان دونوں جگہوں پر کینسر ہونے کا خدشہ رہتا ہے۔تحقیق کار ڈاکٹر روہیواوکویاما کا کہنا ہے کہ ہمارے جسم کا ان دوحصوں پر بہت زیادہ دباؤ ہوتا ہے لہذایہ حصے کینسر کے لئے بہت کمزور واقع ہوتے ہیں اور ان حصوں کے خلیے کمزور ہونے لگتے ہیں جس کی وجہ سے جلد کے ان دونوں حصوں میں کینسر ہونے کے امکانات بڑھ جاتے ہیں۔اس کا کہنا ہے کہ جیسے جیسے ہماری عمر بڑھتی ہے ان جگہوں پر کینسر ہونے کے امکانات بڑھنے لگتے ہیں،آپ کو چاہیے کہ اپنے معمولات میں تبدیلی کرنے کی بجائے اپنے پاؤں کے معائنے کو یقینی بنائیں اور ان دو جگہوں کو وقتاًفوقتاًچیک کرتے رہیں اوراگر آپ کو 6ملی میٹر سے زیادہ کی جگہ پر خون کا رسنا یا کوئی ابھار نظر آئے تو اپنے معالج کے پاس جائیں۔

موضوعات:ڈاکٹرز