ممبئی(مانیٹرنگ ڈیسک) لیجنڈری اداکار رشی کپور نے ’’رکشا بندھن‘‘ کے موقع پر اداکارہ راکھی کی رسیوں سے جکڑی تصویر پوسٹ کرکے اپنے ہی مذہبی تہوار کا مذاق اْڑا ڈالا۔بالی ووڈ اداکار رشی کپور ٹوئٹرپر اپنی متنازع ٹوئٹ کے حوالے سے کافی شہرت رکھتے ہیں انہوں نے ٹوئٹر پر گاندھی خاندان کو ایسا تنقید کا نشانہ بنایا کہ اداکار کو لینے کے دینے پڑ گئے اورٹوئٹر پر رشی نے اپنے ہی مذہبی تہوار رکشا بندھن کو بھی مذاق کا نشانہ بناڈالا۔ہندوؤں کے مذہبی تہوار رکشا بندھن کے موقع پرہندوخواتین اپنے بھائیوں کے ہاتھوں میں راکھی باندھتی ہیں اوررشی کپور نے ٹوٹر پر مداحوں کو اس مذہبی تہوار کی مبارک باد اداکارہ راکھی کے فلم کے سین کی تصویر پوسٹ کرکے دی جس میں راکھی کو رسیوں میں جکڑا دکھایا گیا ہے جس پر اداکار کو شدید تنقید کا سامنا کرنا پڑا ۔

موضوعات:رشی کپور متنازع ٹوئٹ مذہبی تہوار