لاہور ( این این آئی)سام سنگ نے پاکستان میں اپنے نئے طاقتور اسمارٹ فون گلیکسی NOTE-7 کی پری بکنگ کا آغاز کردیا ہے ۔اس ڈیوائس کی یقینی بکنگ کرانے والے صارف کو کمپنی کی جانب سے مفت Gear VR بھی فراہم کیا جائیگا۔پری بکنگ کی سہولت سام سنگ کے مخصوص SESآؤٹ لیٹس کے علاوہ آن لائن خریداری کی ویب سائٹ  پر بھی دستیاب ہے اور اس خصوصی مہم کا آغاز18اگست سے ہوگا۔پاکستان میں گلیکسی NOTE-7 کی ریٹیل قیمت 93,500روپے مقرر کی گئی ہے ،صارف سام سنگ کی مخصوص SES آؤٹ لیٹس جا کر یا پھر آن لائن ویب سائٹ . پر اس ڈیوائس کی پری بکنگ کراسکتے ہیں،اس ضمن میں صارفین کو محض ایک فارم پر بنیادی ڈیٹا فراہم کرنا ہوگا اور بطور ڈپازٹ5ہزار روپے جمع کرانا ہونگے،اس عمل کے بعد پری بکنگ کرانے والے صارفین کو چند دنوں بعد سام سنگ کی جانب سے کال موصول ہوگی جہاں صارفین باقی رقم کی ادائیگی کے بعد مفت Gear VRکے ساتھ اپنا گلیکسی NOTE-7 اسمارٹ فون حاصل کرسکیں گے۔