اسلام آباد(مانیٹرنگ ڈیسک)عوامی مسلم لیگ کے سربراہ شیخ رشید احمد نے وزیراعظم نواز شریف کی نا اہلی کیلئے ریفرنس سپیکر قومی اسمبلی کے پاس جمع کرادیا،وزیراعظم نواز شریف آرٹیکل62اور63 پر پورا نہیں اترتے انہیں نا اہل قرار دیا جائے۔منگل کو عوامی مسلم لیگ کے سربراہ شیخ رشید نے وزیراعظم محمد نواز شریف کیخلاف نا اہلی ریفرنس اسپیکر آفس میں جمع کرادیا،ریفرنس جمع کرانے کے بعد شیخ رشید نے میڈیا سے گفتگو کرتے ہوئے کہا کہ وزیراعظم نواز شریف کا نااہلی کا ریفرنس162صفحات پر مشتمل ہے،وزیراعظم آئین کے آرٹیکل62اور63 پر پورا نہیں اترتے انہیں نا اہل قرار دیاجائے،نااہلی ریفرنس میں پانامہ لیکس کو بنیاد بنایا گیا ہے۔انہوں نے کہا کہ وزیراعظم نواز شریف رکن قومی اسمبلی رہنے کے اہل نہیں رہے۔ انہیں نا اہل قرار دیاجائے،اسپیکر سے آئینی ذمہ داری شفاف طریقے سے انجام دینے کی درخواست کی ہے اور ریفرنس میں ثبوت اور شواہد نواز شریف کو نااہل ثابت کرنے کیلئے کافی ہیں۔