کوئٹہ ( این این آئی ) سانحہ کوئٹہ ،صرف دھماکہ ہی نہیں ہوا بلکہ ۔۔۔! شہداءکی تعداد70ہوگئی ،دھماکے کے وقت کی ویڈیوبھی سامنے آگئی،ویڈیو میں دھماکے کے بعد فائرنگ کی آوازیں بھی سنائی دے رہی ہیں-کوئٹہ کے سول اسپتال میں خودکش حملے میں شہداء کی تعداد70ہوگئی ،دھماکے میں زیادہ تر وکلاء نشانہ بنے، پہلے کوئٹہ میں بلوچستان بار کے صدر صدر بلال انور کاسی کی ٹارگٹ کلنگ ہوئی ،ان کی میت سول اسپتال کوئٹہ لائی گئی ،جسے وصول کرنے وکیلوں کی بڑی تعداد اسپتال پہنچی تو دھماکا ہوگیا۔دھماکے کے شہداء میں دو کیمرا مین بھی شامل ہیں،دھماکے میں 108افراد زخمی ہوئے ہیں، جن میں سے 25 کی حالت تشویش ناک ہے۔ابتدائی تفتیش کے مطابق دھماکے میں8کلوگرام بارودی مواد استعمال کیا گیا۔کوئٹہ کے سول اسپتال میں دھماکے کے وقت کی ویڈیو میں دھماکا ہونے اور اس کے بعد متاثرین کے کلمہ طیبہ پڑھنے کی آوازیں سنی جاسکتی ہیں ،ویڈیو میں دھماکے کے بعد فائرنگ کی آوازیں بھی سنائی دے رہی ہیں۔