اسلام آباد(مانیٹرنگ ڈیسک) نجی ٹی وی پروگرام میں سینئر صحافی نے اہم انکشافات کر دیئے۔ نجی ٹی وی پروگرام میں گفتگو کرتے ہوئے سینئر صحافی نے کہا کہ کل (ن) لیگ کا پارلیمانی اجلاس ہوا جس میں بہت گرما گرمی ہو گئی۔ وزیر اعظم نواز شریف کھانا کھائے بغیر چلے گئے۔ سینئر صحافی نے کہا کہ صرف 16 اراکین کو بات کرنے کی اجازت دی گئی۔ باقی لوگوں کو بولنے نہیں دیا گیا کیونکہ انہوں نے تلخ سوالات کرنے تھے۔ اسی طرح جب اسد الرحمن نے سوالات کئے تو کچھ لوگوں نے انہیں بٹھانے کی کوشش کی لیکن اسد الرحمن کو کون بٹھا سکتا ہے؟
اراکین اسمبلی نے نواز شریف سے شکایت کی کہ کوئی وفاقی وزیر ان کی نہیں سنتا۔ ایم این ایز نے کہا کہ ہمیں بتایا جائے کے کتنے ایم این ایز کو کتنے کتنے فنڈز جاری کئے؟ جس پر وزیر اعظم نے جواب دیا کہ مجھے صحیح طرح یاد نہیں۔