کراچی (این این آئی)وفاقی حکومت کی جانب سے اختیارات دیئے جانے کے بعد رینجرز نے اندرون سندھ میں بھی آپریشن کا آغاز کردیا ہے ۔شہداد کوٹ کے مختلف علاقوں میں چھاپے مارکر 15مشتبہ افراد کو حراست میں لے لیا گیا ہے ۔ذرائع کے مطابق وفاقی حکومت کی جانب سے اختیارات ملنے کے بعد رینجرز نے کراچی کے بعد اندرون سندھ بھی آپریشن کا آغاز کردیا ہے ۔جمعہ کو رینجرز کی بھاری نفری نے شہداد کوٹ کے مختلف علاقوں میں چھاپے مارکر 15مشتبہ افراد کو حراست میں لے کر تفتیش کے لیے نامعلوم مقام پر منتقل کردیا ہے ۔حراست میں لیے گئے افراد میں قوم پرست تنظیموں کے کارکن بھی شامل ہیں ۔