اسلام آباد (مانیٹرنگ ڈیسک)وفاقی وزیر ریاستیں و سرحدی امور عبدالقادر بلوچ نے تحریک انصاف پر سنگین ترین الزامات عائد کر دیئے۔عبد القادر بلوچ نے کہاہے کہ ملک دھرنے کا متحمل نہیں ہو سکتا ، دھرنے سی پیک کو روکنے کیلئے ایک بڑی سازش ہے سی پیک کے تحت 46ارب ڈالر کی سرمایہ کاری سے ملک میں روزگار کے مواقع بڑھیں گے معیشت ترقی کر یگی پاکستان کیلئے کولیشن سپورٹ فنڈ پروگرام کے تحت امداد روکنا امریکہ کے حق میں اچھا نہیں ہو گا۔ جمعہ کو میڈیاسے بات چیت کے دوران انہوں نے کہا کہ پاکستان دہشت گردی کے خلاف جنگ میں امریکہ کا اتحادی ہے ہماری سر زمین کسی ملک کے خلاف استعمال نہیں ہو رہی دہشت گردی کے خاتمہ کیلئے آپریشن ضرب عضب سے بڑی کامیابیاں حاصل ہوئی ہیں۔ انہوں نے کہاکہ حقائق سے ہٹ کر ڈو مور کا مطالبہ درست نہیں پاکستان کیلئے کولیشن سپورٹ فنڈپروگرام کے تحت امداد بند کرنا امریکہ کے حق میں بھی اچھا نہیں ہو گا۔ انہوں نے کہاکہ سی پیک منصوبے سے ملک میں بہتر روزگار کے مواقع بڑھیں گے اور ملکی معیشت ترقی کرے گی۔ انہوں نے کہا کہ اس وقت ملک دھرنے کا متحمل نہیں ہو سکتا ، دھرنے سی پیک کو روکنے کیلئے ایک بڑی سازش ہے۔ حکومت نے کہاہے کہ ہم پانامہ کے حوالے سے ہر فورم پر جانے کیلئے تیار ہیں ایک الزام لے کر ترقی کا راستہ روکنا درست نہیں۔