اسلام آباد(مانیٹرنگ ڈیسک) نجی ٹی وی پروگرام سے گفتگو کرتے ہوئے معروف امریکی ناول نگار کرسٹینا بیکر نے کہا کہ ہم خدا کی مرضی کے بغیر کچھ نہیں کر سکتے ، جب خدا کسی بات کی ٹھان لیتا ہے تو وہ ہو کر رہتی ہے۔ عمران خان سے شادی کی خواہشمند امریکی ناول نگار سے جب یہ سوال کیا گیا کہ ریحام خان اور عمران خان کی طلاق کیوں ہوئی؟ ریحام کہتی ہیں کہ ان پر کالا جادو کیا گیا تھا ، آپ اس بارے میں کیا کہتی ہیں؟ تو کرسٹینا بیکر نے جواب دیا کہ میں نے جب اسلام قبول کیا تو مجھے ادراک ہوا کہ جادو کا وجود ہے اور ایسا ہو بھی سکتا ہے کہ ریحام خان اور عمران خان پر جادو کیا گیا ہو۔
کرسٹینا بیکر نے کہا کہ ہو سکتا ہے کہ اس طلاق میں عمران خان اور ریحام خان کیلئے کوئی سبق موجود ہو۔ ہم اللہ کی مرضی کیخلاف ہرگز نہیں جا سکتے۔ کرسٹینا بیکر نے نجی ٹی وی پروگرام میں گفتگو کرتے ہوئے کہا کہ میرے خیال میں اگر ریحام خان گھر میں رہتیں اور گھر کی دیکھ بھال کرتیں اور گھریلو بیوی بن کر رہتیں تو بہتر ہوتا لیکن عمران خان اور ریحام خان دو مختلف شخصیات ہیں۔

موضوعات:ریحام خان کی طلاق عمران خان کرسٹینا بیکر