ممبئی(نیوز ڈیسک)بولی وڈ کی ریکارڈ ساز فلم ‘دل والے دلہنیا لے جائیں گے’ کو بالاخر شائقین کی پر زور فرمائش پر سینما سے نہ ہٹانے کا فیصلہ کیا گیا ہے۔سنہ 1995 میں ریلیز ہونے والی شاہ رخ خان اور کاجول کی مشہور زمانہ فلم ‘دل والے دلہن آ لے جائیں گے’ گزشتہ 20 برسوں سے مسلسل ممبئی کے مراٹھا مندر سنیما گھر میں لگی ہوئی تھی۔رواں ماہ 19 فروری کو باکس آفس پر فلم کے 1009 ہفتے مکمل ہونے کے بعد یش راج فلمز نے اسے سینما سے ہٹانے کا اعلان کیا تھا۔خبر رساں ادارے اے ایف پی کے مطابق عوام کی جانب سے فلم ہٹانے کے فیصلے کے خلاف ووٹ آنے کے بعد اسے سینما کی زینت بنائے رکھنے کا فیصلہ کیا گیا ہے۔اس فلم کو کئی اعزازات سے نوازا جا چکا ہے اور اس کا شمار بولی وڈ کی بہترین فلموں میں ہوتا ہے جس نے تفریح کے ساتھ ساتھ بہترین بزنس بھی دیا۔گزشتہ کئی برسوں سے اس فلم کا ایک شو صبح ساڑھے گیارہ بجے سے دکھایا جاتا رہا ہے۔