اسلام آباد (آئی این پی) الیکشن کمیشن میں تحریک انصاف کے پارٹی فنڈز میں خورد برد اور رکن قومی اسمبلی کیپٹن (ر) صفدر کے خلاف نااہلی کیس کی سماعت (آج) جمعرات کو ہوگی۔ تفصیلات کے مطابق بدھ کو الیکشن کمیشن کے چاروں ممبران نے عہدوں کا حلف اٹھا لیا جس کے بعد الیکشن کمیشن مکمل اور فعال ہوگیا جس کے بعد (آج) جمعرات سے زیر التواء کیسز کی سماعت شروع ہوجائے گی۔ ذرائع کے مطابق تحریک انصاف کے پارٹی فنڈز میں خورد برد کے خلاف اکبر ایس بابر کی درخواست اور رکن قومی اسمبلی کیپٹن (ر) صفدر کے خلاف اثاثے چھپانے پر پی ٹی آئی کی طرف سے دائر کردہ نااہلی کی درخواستوں پر (آج) سماعت کی جائے گی۔