اسلام آباد (مانیٹرنگ ڈیسک) محکمہ موسمیات نے پنجاب، اسلام آباد اورکشمیر میں کہیں کہیں جبکہ خیبرپختونخوا ، بلوچستان ، فاٹا اور گلگت بلتستان میں چند مقامات پر تیز ہواؤں/آندھی اور گرج چمک کیساتھ بارش جبکہ سندھ کے ساحلی علاقوں میں بوندا باندی کی پیش گوئی کی ہے۔ مالاکنڈ، ہزارہ ڈویژن، گلگت بلتستان اور کشمیر میں بعض مقامات پر لینڈ سلائیڈ نگ کا بھی خدشہ ہے۔ محکمہ موسمیات کی رپورٹ کے مطابق آئندہ 48گھنٹوں کے دوران راولپنڈی، گوجرانوالہ، لاہور، سرگودھا، فیصل آباد ڈویژن، اسلام آباد اور کشمیر میں کہیں کہیں جبکہ خیبرپختونخوا میں مالاکنڈ، ہزارہ، پشاور، کوہاٹ، مردان ، بنوں ، ڈی آئی خان ڈویژن، فاٹا ، مشرقی بلوچستان میں چند مقامات پر تیز ہواؤں ، آندھی اور گرج چمک کیساتھ بارش کا امکان ہے۔ مالاکنڈ، ہزارہ ڈویژن، گلگت بلتستان، اور کشمیر میں بعض مقامات پر لینڈ سلائیڈ نگ کا خدشہ ہے۔ اسی طرح سندھ، مکران کے ساحلی علاقوں میں بھی بوندا باندی کا امکان ظاہر کیا گیا ہے۔محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم گرم اورمرطوب رہا۔ تاہم راولپنڈی، لاہور، مالاکنڈ ڈویژن، اسلام آباد، کشمیر اور گلگت بلتستان میں چند مقامات پر تیز ہواؤں اور گرج چمک کیساتھ بارش ہوئی۔ سب سے زیادہ بارش مالم جبہ میں 24 ملی میٹر، لاہور میں 07، اسلام آباد، راولپنڈی، منگلا اور جوہرآباد میں03 ملی میٹر ریکارڈ کی گئی ہے۔