اسلام آبا د (مانیٹرنگ ڈیسک )ایپل کی جانب سے ہر سال ستمبر میں اپنے نئے آئی فون کو متعارف کرایا جاتا ہے مگر اس بار یہ کمپنی ایک یا دو نہیں بلکہ 3 نئی ڈیوائسز کو پیش کرنے کا ارادہ رکھتی ہے۔ ویب سائٹ نو ویئر ایلس ڈاٹ ایف آر کے مطابق ایپل کی جانب سے اس سال تین آئی فون 7 متعارف کرائے جائیں گے اور ہر سال کی طرح اس بار بھی ایپل کی جانب سے 4.7 انچ کا آئی فون 7 اور 5.5 انچ کا آئی فون پلس ماڈل تو پیش کیا ہی جائے گا۔تاہم اس کے ساتھ ساتھ ایپل کی جانب سے آئی فون سیون پرو نامی ماڈل بھی متعارف کرایا جائے گا جس میں ڈوئل رئیر کیمرے موجود ہونگے ۔یہ اقدام ایپل کی جانب سے سام سنگ کے گلیکسی ایس سیون، ایس سیون ایج اور آئندہ ماہ گلیکسی نوٹ 7 کے مقابلے پر کیا جارہا ہے۔