ہنگو(مانیٹرنگ ڈیسک)بیرونی ملک قطر میں مقیم پاکستانی شہری قومی شناختی کارڈ اور پاسپورٹ کی تجدید کے لئے سرگرداں۔مسافروں کا سفیر سے لیکر کلاس فور تک تمام سٹاف کی تبدیلی کا مطالبہ ۔پاکستانی سفارتخانے میں قومی دستاویزات کو جمع کرانے کے لئے بھی ایک مہینے کا انتظار کرنا پڑتا ہے۔اکثر پاکستانی شہری ویزوں سے بھی ہاتھ دھو بیٹھتے ہیں۔متاثرہ مسافروں نے حکومت پاکستان سے نوٹس لینے کا مطالبہ کر دیا۔تفصیلات کے مطابق سمندر پاردوحہ قطرمیں پاکستانی سفاتخانے میں وطن عزیز کے شہریوں کو قومی شناختی کارڈ اور قومی پاسپورٹ کے حصول کے پیچیدہ طریقہ کار کی پالیسی نے شدید مشکلات سے دوچار کر دیا ہے۔دوحہ قطر میں مقیم محنت مزدوری کے لئے جانے والے محنت کشوں نے اس حوالے سے صحافیوں کو بتایا کہ شناختی کارڈ اور پاسپورٹ کی تجدید کے لئے پاکستانی سفارتخانے میں تجدید تو درکنار بلکہ صرف قومی دستاویزات تجدید کے لئے جمع کرانے کے لیے بھی ایک ماہ کا ٹوکن دیا جاتا ہے۔
انہوں نے کہا کہ قطر میں مقیم اپنے ہی ملک کے عوام کے ساتھ پاکستانی سفارتخانے میں سفیر سے لیکر کلاس فور تک سٹاف کا ناروا رویہ افسوس ناک ہے۔ انہوں نے کہا کہ سمندر پار خلیجی ممالک کے کسی بھی پاکستانی سفارتخانے میں یہ قانون لاگو نہیں بلکہ صرف دوحہ قطر میں پاکستانی سفارتخانے اپنے شہریوں کو سہولت دینے کے بجائے مصائب سے دوچار کر رکھا ہے۔انہوں نے بتایا کہ تجدید میں مہینوں کی مدت صرف ہونے سے اکثراوقات پاکستانی شہری ویزوں سے ہاتھ دھو بیٹھنے سمیت قومی شناختی کارڈ یا پاسپورٹ نہ ہونے سے کسی بھی ایمر جنسی صورت میں وطن عزیز واپس کا سفر محروم رہ جاتے ہیں۔انہوں نے وزیر اعظم پاکستان ،وزارت خارجہ،وزارت داخلہ اور دیگر متعلقہ حکام سے قطر میں پاکستانی سفارتخانے کے تمام سٹاف کی تبدیلی کیساتھ ساتھ تمام مسائل حل کرانے کا مطالبہ کیا ہے۔