راولپنڈی (آن لائن) راولپنڈی میں بے نظیر انٹرنیشنل ایئرپورٹ پر کسٹم حکام نے کارروائی کرتے ہوئے لندن جانے والے مسافر کے سامان سے 12 کلوسے زائد ہیروئن برآمد کر لی ۔ ہیروئن کی عالمی مارکیٹ میں کروڑوں روپے قیمت ہے کسٹم حکام کے مطابق راولپندی میں بے نظیر انٹرنیشنل ایئرپورٹ پر کارروائی کرتے ہوئے اسمگلر سے 12 کلو سے زائد کی ہیروئن برآمد کر لی ہیں ایئرپورت ذرائع کے مطابق اسمگلر لندن جانے والی فلائٹ میں سوار ہونا تھا لیکن ایئرپورٹ پر چیکنگ کے دوران اسمگلر سے ہیروئن برآمد ہوئی ۔ اسمگلر نے ہیروئن اپنے کپڑوں میں چھپا رکھی تھی جبکہ اسمگلر کا تعلق میرپور آزاد کشمیر سے ہے ۔