کراچی(این این آئی)معروف قوال امجد صابری کے قتل میں کالعدم جماعت کے دہشت گردوں کے ملوث ہونے کا انکشاف ہوا ہے جوکہ واردات کے بعد شہرسے فرارہوگئے ہیں ۔، ماہ اپریل میں اورنگی ٹاون میں بھی 7 پولیس اہلکاروں کو ٹارگٹ کلنگ کا نشانہ بنانے والے ملزمان کاتعلق بھی کالعدم تنظیم سے بتایا گیا تھا اوروہ ملزمان بھی واردات کے بعد شہر سے فرار ہوگئے تھے۔کاونٹرٹیررازم ڈپارٹمنٹ انویسٹی گیشن پولیس کے ایک افسرنے نام ظاہرکرنے کی شرط پربتایا کہ امجد فرید صابری کے قتل میں کالعدم تنظیم(لشکر جھنگوی) سے تعلق رکھنے والے 3 افراد کو حراست میں لیا گیا تھا، جنہوں دوران تفتیش انکشاف کیا کہ امجد فرید صابری کوان کے 2 ساتھیوں نے قتل کیا،ذرائع نے بتایا کہ امجدصابری کے قتل کے احکام پنجاب سے دیے گئے تھے، قتل کیس کی تفتیش کے دوران بلڈر مافیا کے پہلووں پرتفتیش کی گئی تاحال بلڈر مافیاسے تعلق سامنے نہیں آیا۔ذرائع نے بتایا کہ قتل میں ملوث دہشت گردوں کی گرفتاری کے بعدہی اصل وجوہات سامنے آسکے گی کہ امجد کا قتل فرقہ ورانہ دہشتگردی ہے یا کسی سے نے کرائے کے قاتلوں کے ذریعے قتل کرایا۔