کراچی (مانیٹر نگ ڈیسک ) گورنر سندھ ڈاکٹر عشرت العباد کی جمعہ کی نماز کے د وران طبیعت بگڑنے کے باعث طبعی ادارہ برائے امراض قلب منتقل کر گیا ۔ گورنر سندھ کے مختلف ٹیسٹ لینے کے بعد ڈاکٹروں نے گورنر ہاؤس جانے کی اجازت دے دی۔ تفصیلات کے مطابق جمعہ کو گورنر ہاؤس کراچی میں جمعہ کی نماز کی ادائیگی کے دوران گورنر سندھ ڈاکٹر عشرت العباد کی اچانک طبیعت بگڑ گئی جس کے باعث گورنر سندھ پہلی رکعت میں ہی زمین پر بیٹھ گئے۔ نماز کے بعد گورنر ہاؤس سندھ ایمرجنسی بنیاد پر ڈاکٹر عشرت العباد کو طبعی ادارہ برائے امراض قلب منتقل کر دیا ۔ جہاں پر ڈاکٹر نے ڈاکٹر عشرت العباد کے ای سی جی سمیت دیگر جسمانی ٹیسٹ لئے اور ٹیسٹ درست آنے پر عشرت العباد کو گورنر ہاؤس واپس جانے کی اجازت دے دی۔