اسلام آباد (مانیٹرنگ ڈیسک)بارش کسے پسند نہیں ، اور گرمیوں کی بارش میں تو نہائے بغیر اس بارش کا لطف بھی نہیں آتا۔ مگر قارئین جب بات ہو مون سون موسم میں بارشوں کی تو ایک بات ہمیشہ یاد رکھیں کے ان بارشوں میں نہانے کی وجہ سے آنکھیں سرخ ہوجاتی ہیں اور ان میں سوزش آنے لگتی ہے۔کئی لوگ اسے عام سی بات سمجھ کر نظر انداز کردیتے ہیں۔
ماہرین کا کہنا ہے کہ بارش کا پانی اگر آنکھوں میں براہ راست چلا جائے تو انفیکشن کے امکانات بڑھ جاتے ہیں۔ان کا کہنا ہے کہ آنکھوں کی سوجن ‘کارنئیل السر’ کی وجہ سے ہوسکتی ہے اور اسے نظر انداز کرنے سے بینائی بھی ضائع ہوسکتی ہے۔اس کے علاوہ ‘کنجنکٹیویٹیز’ بھی ایسی بیماری ہے جو کہ برسات کے موسم میں عام ہوتی ہے اور اس کا شکار زیادہ تر بچے ہوتے ہیں۔
تولئے کا استعمال
ماہر چشم کا کہنا ہے کہ اس موسم میں ایک دوسرے کا تولیہ استعال کرنے سے گریز کرنا چاہیے کیونکہ یہ انفیکشن مشترکہ کپڑوں اور تولیہ استعمال کرنے سے ہوتی ہے۔
ٹھنڈا پانی
ڈاکٹروں کا کہنا ہے کہ اگر آپ کی آنکھوں میں سوجن آجائے اور وہ سرخ ہوجائیں تو پھر انہیں ٹھنڈے پانی کے ساتھ دھوئیں اور ان میں ‘بوریک پاؤڈر’ شامل کرلیں۔
ٹی وی اور موبائل کا استعمال
اگر آنکھوں میں سرخ دانہ نکل آئے تو ایسی آنکھوں کو نیم گرم پانی سے دھوئیں۔آنکھوں کی بیماری کی صورت میں ٹی وی اور موبائل کا استعمال ترک کردیں۔کوئی بھی ایسا کام نہ کریں جس میں آنکھوں کی توجہ ایک ہی جگہ مرکوز ہو۔