کراچی (مانیٹرنگ ڈیسک)کراچی میں فلاحی تنظیم ایدھی فاؤنڈیشن کے بانی عبدالستار ایدھی کی نمازِ جنازہ کراچی کے نیشنل سٹیڈیم میں ادا کر دی گئی جس میں اعلیٰ شخصیات کے علاوہ عوام کی بڑی تعداد شریک ہوئی ،نماز جنازہ میں صدر مملکت ممنون حسین ، آرمی چیف جنرل راحیل شریف ، ایئر چیف سہیل امان،نیو ل چیف ذ کا ء ا للہ،د ی جی رینجرز سندھ بلال اکبر ، کورکمانڈر کراچی نوید مختار، وزیر اعلیٰ سندھ قائم علی شاہ ، وزیر اعلیٰ پنجاب میاں محمد شہباز شریف ، گورنر سندھ ڈاکٹر عشرت العباد ، چیئر مین سینیٹ رضا ربانی ،و فا قی وزیر منصو بہ بندی احسن اقبال، و فا قی وزیر کیڈ طا رق فضل چو ہدری، سینئر وزیر سندھ نثار کھوڑو ،سمیت مختلف اہم سیاسی ، سماجی رہنماؤں نے بڑی تعداد میں شرکت کی ،نما ز جنا زہ مو لا نا احمد خان نیا زی نے پڑ ھا ئی، نماز جنازہ کے موقع پر پاک فوج کی جانب سے عبدالستار ایدھی کے جسد خاکی کو سلامی پیش کی گئی اور آ رمی چیف سمیت شر کا ء نے سیلیو ٹ پیش کیا۔
فوجی دستوں کی جانب سے عبدالستار ایدھی کو گارڈ آف آنر بھی پیش کیا گیا، نماز جنازہ کے موقع پر سکیورٹی کے انتہائی سخت انتظامات کئے گئے تھے،پر پولیس اور رینجرز کی بھاری نفری اسٹیڈیم کے اندر اور باہر تعینات کی گئی ،عبدالستار ایدھی گردوں کے عارضے میں مبتلا تھے اور طویل علالت کے بعد جمعے کی شب 88 برس کی عمر میں انتقال کر گئے تھے۔عبدالستار ایدھی کے جسد خاکی کو ہفتہ کی صبح سرد خانے سے میٹھا در میں واقع اْن کی رہائش گاہ منتقل کیا گیا جہاں غسل کے بعد قومی پرچم میں لپٹی ان کی میّت نیشنل سٹیڈیم لے جائی گئی۔پاکستانی بحریہ کیمطا بق ایدھی کا جنازہ بحریہ کے خصوصی دستہ نے نیشنل سٹیڈیم سے ایدھی ولیج منتقل کیا ۔آئی ایس پی آر کے مطابق علاقے کی سکیورٹی فوج اور رینجرز نے سنبھالی ہوئی تھی جنھیں انتظامات میں قانون نافذ کرنے والے دیگر اداروں کی مدد بھی حاصل تھی۔ اسٹیڈیم کی سیکیورٹی کے لیے اسنائیپرز بھی مقرر تھے جبکہ رینجرز کے 650 اور پولیس کے 1300 سے زائد اہلکار بھی موجود تھے۔عوام کی بہت بڑی تعداد میں جنازے میں شرکت کے لیے پہنچی اور شہریوں کے لیے مخصوص دروازوں پر طویل قطاریں دیکھی جا سکتی تھیں۔
انھوں نے بتایا کہ رینجرز اور سکیورٹی حکام سٹیڈیم میں داخل ہونے والے ہر فرد کی جامہ تلاشی لیتے رہے جبکہ کمانڈوز بھی تعینات کیے گئے تھے۔ کراچی کے نیشنل اسٹیڈیم کے گیٹ نمبر 3، 4، 5، 6 اور گیٹ نمبر 8 استعمال کیے کھولے گئے جبکہ 2 گیٹس وی آئی پی اور وی وی آئی پیز کے لے مختص کیے گئے ،جنازے میں شرکت کے لیے شہری سندھ سمیت دوسرے شہروں سے بھی کراچی آئے جبکہ نیشنل اسٹیڈیم میں پاکستان پیپلز پارٹی، متحدہ قومی موومنٹ، جماعت اسلامی، پاک سرزمین پارٹی، مسلم لیگ سمیت دیگر جماعتوں کے سرکردہ رہنماوں سمیت دیگر نے بھی شرکت کی۔