نیویارک (مانیٹرنگ ڈیسک) بین الاقوامی مارکیٹ میں سونے کی قیمتوں میں اضافے کا رجحان جاری ہے۔کاروباری ہفتے کے آخری روز نیویارک میں سپاٹ گولڈ کی قیمتوں میں 1.2 فیصد اضافہ ریکارڈ کیا گیا اور مستقبل میں خریداری کے معاہدے 1341.40 ڈالر فی اونس میں طے پائے۔ اگست کیلئے یوایس گولڈ فیوچرز کے تحت سونے کی قیمتوں 1.4 فیصد اضافہ ریکارڈ کیا گیا اور مستقبل میں خریداری کے معاہدے 1339 ڈالر فی اونس میں طے ہوئے۔ لندن میں سپاٹ گولڈ کی قیمتوں میں 1.2 فیصد اضافہ دیکھنے میں آیا اور مستقبل میں خریداری کے معاہدے 1341.40 ڈالر فی اونس میں طے ہوئے۔ بنگلور میں سپاٹ گولڈ کی قیمتوں میں ایک فیصد اضافہ دیکھنے میں آیا اور مستقبل کے معاہدے 1336.20 اور 1331.51 ڈالر فی اونس کے درمیان طے ہوئے۔