اسلام آباد(مانیٹرنگ ڈیسک)حکومت نے حال ہی میں چالان اور ٹیکس کی رقومات بارے ایک عجیب وغریب فیصلہ کیا ہے ،نجی ٹی وی چینل کے ایک پروگرام میں “مخبر بابا”نے دعویٰ کیا ہے کہ حکومت نے چالان اور ٹیکس کی رقومات کی وصولی کا اختیار نیشنل بینک آف پاکستان کے بجائے بینک آف پنجاب کو دینے کا فیصلہ کیا ہے جس کی سمری ایوان صدر کو بھجوادی گئی ہے حیرت کی بات یہ ہے کہ اتنا بڑا فیصلہ پارلیمنٹ کو اعتماد میں لئے بغیر ہی کیا گیا ہے، جبکہ لاہور اور گوجرانولہ میں صدر کے دستخط کے بغیر ہی اس پر عمل درآمد شروع کردیا گیا ہے۔
اس منصوبے کے مطابق پنجاب بینک رقم جمع کرنے جبکہ نیشنل بینک رقم کی فراہمی کا ذمہ دار ہوگا
اس حوالے سے حکومت کا کہنا ہے کہ میٹرومنصوبے کے دوران چائینہ سے فنڈز کے تعطل پر پنجاب بینک نے رقم فراہمی کی ذمہ داری قبول کیاتھااور دوسرے کئی معاملات میں حکومت کی مدد کرتا آیا ہے ،جبکہ چالان اور ٹیکس وصولی کے اس فیصلے سے حکومت کو اربوں روپے کی بچت ہوگی،اب سوال یہ پیدا ہوتا ہے کہ کیا اس بڑے فیصلے کے بعد دیگر صوبے کے سرکاری بینک ،بولان بینک،سندھ بینک اور خیبر بینک چپ سادھ لیں گے؟