لاہور…….علامہ اقبال انٹرنیشنل ایئرپورٹ کے واش روم سے ہفتے کو ایک لاش برآمد ہوئی ہے۔
ہفتے کو لاہور کےعلامہ اقبال انٹرنیشنل ایئرپورٹ کے واش روم سے ایک نوجوان کی لاش برآمد ہوئی، جسے شاہد کے نام سے شناخت کیا گیا۔
اطلاعات کے مطابق شاہد سول ایوی ایشن (سی اے اے) کے ایک ملازم غلام عبا س کا بیٹا ہے، جو وہاں بطور پورٹرکام کرتا ہے۔
شاہد کی موت کی وجہ نشے کی زیادتی قرار دی جارہی ہے اور اس کی لاش ایئرپورٹ کے چوتھے فلور پر واقع ایک واش روم سے برآمد ہوئی۔
پولیس نے اس کی لاش ورثاء کے حوالے کر کے واقعے کی تفتیش شروع کردی ہے۔
واضح رہے کہ 2013 میں اقوام متحدہ کے دفتر برائے ڈرگز اینڈ کرائم کی جانب سے ملک میں منشیات کے استعمال کے حوالے سے کیے گئے ایک سروے میں یہ انکشاف ہوا تھا کہ پنجاب میں 9.2 ارب لوگ منشیات کا استعمال کرتے ہیں جبکہ 260،000 افراد انجیکشن کے ذریعے نشہ کرتے ہیں، جو ملک بھر میں نشہ کرنے والے افراد کی سب سے زیادہ تعداد ہے۔
