نیو یارک ……تحقیق کے مطابق نیند کی کمی انسان میں مرغن کھانوں کی بھوک کو جگا دیتی ہے ۔ 

امریکا کی یونیورسٹی آف پینسلوینیا کے محققین نے 3 روز تک 34 افراد کو معمول سے کم نیند کرنے دی اور اس دوران جب ان لوگوں کو کھانے کی پیشکش کی گئی تو انہوں نے مرغن کھانوں کا انتخاب کیا۔ تحقیق کی سربراہ کا کہنا تھا کہ نیند کی کمی سے دماغ کا وہ حصہ متاثر ہوتا ہے جو غذا کےانتخاب میں مدد دیتا ہے اور ذہنی تھکان لوگوں میں زیادہ چکنائی والے کھانوں کی بھوک جگاتی ہے۔

تحقیق کاروں کا کہنا تھا اس تحقیق سے شام اور رات کے اوقات میں ملازمت کرنے والے افراد کی صحت کی صورت حال کا پتہ چلتا ہے کہ یہ لوگ صحت مند غذاؤں کی بجائے تلے ہوئے پکوان اور مرغن کھانوں کا انتخاب کیوں کرتے ہیں۔