اسلام آباد (این این آئی) وزیراعظم نواز شریف نے 15 ہزار ٹن چاول کیوبا بھیجنے کا اعلان کیا ہے جس کا مقصد باہمی تجارت کو فروغ دینا اور لاطینی امریکہ کیلئے تجارتی گیٹ وے حاصل کرنا ہے، ان خیالات کا اظہار سیکرٹری خارجہ اعزاز چودھری نے سینیٹ کی قائمہ کمیٹی برائے خارجہ امور کے اجلاس میں کیا ۔ سینیٹ کی قائمہ کمیٹی برائے خارجہ امور کا اجلاس سینیٹر نزہت صادق کی زیر صدارت ہوا جس میں مختلف ممالک سے سفارتی و تجارتی روابط پر سیکرٹری خارجہ اور دیگر حکام نے بریفنگ دی۔اجلاس میں بریفنگ دیتے ہوئے سیکرٹری خارجہ اعزاز چوہدری نے کہا کہ کیوبا کے ساتھ تجارت نہیں ہے ، کیوبا نے ایک ہزارڈاکٹرز کی سکالرشپ دی تھی جن میں سے 900 سے زائد ڈاکٹر زکورس مکمل کر کے آگئے ہیں ۔ کیوبا کی طرف سے سکالر شپ دینے کے بعد وزیراعظم نواز شریف نے 15 ہزار ٹن چاول کیوبا بھیجنے کا اعلان کیا ہے۔ نجی ٹی وی کے مطابق انہوں نے بتایا کہ لاطینی امریکہ کے ممالک سے 16 معاہدے چل رہے ہیں ٗ لاطینی امریکہ کے ممالک سے مزید تعلقات مضبوط کرنا ہوں گے۔ کیوبا سے اچھے تعلقات اور تجارت ضروری ہے اور اگر کیوبا سے تجارت شروع ہوئی تو یہ لاطینی امریکہ کیلئے گیٹ وے ثابت ہوگا۔واضح رہے کہ گزشتہ سال دسمبر میں وزیر اعظم نواز شریف نے پاکستان اور کیوبا کے 60 سالہ سفارتی تعلقات ، 2005 کے زلزلے میں کیوبا کی طرف سے پاکستان کی امداد اور ایم بی بی ایس کی سکالر شپس کے عوض 15 ہزار ٹن چاول بھجوانے کا اعلان کیا تھا جن کا مقصد کیوبا سے تجارتی و سفارتی تعلقات مضبوط کرنا ہے۔
وزیراعظم نواز شریف کا 15 ہزار ٹن چاول دوست ملک بھیجنے کا اعلان
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
آپریشن بنیان المرصوص(دوسرا حصہ)
-
ورک ویزا کے ساتھ روانہ ہو نے والے 23 افراد آف لوڈ
-
مٹی کے طوفان کا الرٹ جاری کردیا گیا
-
اٹلی کے اسٹڈی ویزے کے لئے کتنا بینک اسٹیٹمنٹ ہونا چاہیے؟ خواہشمند طلبا کے لیے بڑی خبر
-
دوست کے گھر سے نیم برہنہ حالت میں ٹھیکیدار کے 26 سالہ بیٹے کی نعش برآمد
-
پاکستان میں عید الاضحی کب ہو گی؟ رویت ہلال ریسرچ کونسل نے پیشگوئی کردی
-
پاکستان میں1سے 3سال کے 10میں سے 4بچوں کے خون میں سیسے کی موجودگی کا انکشاف
-
لاہور،نوکری کا جھانسہ دے کر نجی کمپنی کے مالک کی ساتھی کیساتھ ملکر خاتون سے زیادتی
-
بالائی اور وسطی علاقوں میں بارشوں کے نئے سلسلے کی پیشگوئی
-
سہیل آفریدی کی چھٹی؟ رانا ثناء اللہ کااہم بیان آگیا
-
دنیا بھر کے پاکستانی سفارتخانوں میں پاسپورٹ سروسز معطل
-
گلگت بلتستان اور پختونخوا میں گلیشیئر پھٹنے، شدید بارشوں اور سیلاب کا خطرہ، الرٹ جاری
-
سعودی عرب کا حج عازمین کے لیے عمر کی پابندی فوری طور پر نافذ کرنے کا اعلان
-
پٹرول پمپ کے قریب رہنے والے بچوں میں کینسر کا خطرہ: تحقیق میں انکشاف



















































