ریاض(مانیٹرنگ ڈیسک) سعودی وزارت حج اورعمرہ نے آئندہ پورا سال عمرہ سیزن جاری رکھنے کی منصوبہ بندی کی ہے۔عرب نیوز کے مطابق مکہ چیمبر آس کامرس اینڈ انڈسٹری میں نیشنل کمیٹی فار حج اینڈ عمرہ کے نائب چیئرمین عبداللہ قاضی نے کہا ہے کہ آئندہ سال حج سیزن اور محرم کے وسط کے علاوہ پورا سال عمرہ ویزے جاری کئے جائیں گے۔انہوں نے کہا کہ وزارت کو توقع تھی کہ رواں سال 80 لاکھ عمرہ زائرین آئیں گے تاہم ان کی تعداد ابھی تک کم ہے۔واضح رہے کہ مکہ چیمبر آس کامرس اینڈ انڈسٹری میں نیشنل کمیٹی فار حج اینڈ عمرہ کے سابق رکن نے کہا ہے کہ 2020ء سے عمرہ سیزن سے 200 ارب ریال سے زیادہ کی آمدن متوقع ہے۔