لاہور(آئی این پی)پیپلزپارٹی کے سینیٹر چوہدی اعتزاز احسن نے کہا ہے کہ پیپلزپارٹی کسی سے ’’ٹریپ ‘‘نہیں (ن) لیگ بے نقاب ہو رہی ہے ‘بلاول بھٹو کیساتھ پارٹی پا لیسی بن رہی ہے پانامہ لیکس کے معاملے میں ایک انچ بھی پیچھے نہیں ہٹیں گے‘حکومتی ٹی آو آرز کسی بھی صورت قابل قبول نہیں ‘اپوزیشن متحد ہو کر سڑکوں پر آئیگی تو وزیر اعظم کا احتساب سمیت بہت کچھ ہو جا ئیگا ۔ اپنے ایک انٹر ویو کے دوران پیپلزپارٹی کے سینیٹر چوہدی اعتزاز احسن نے کہا کہ (ن) لیگ اگر یہ سمجھ رہی ہے کہ وہ پیپلزپارٹی کے خلاف اوچھے ہتھکنڈوں سے ہمارے موقف میں کوئی تبدیلی لے آئیگی تو انکی یہ خواہش او ر کوشش کسی صورت کا میاب نہیں ہوگی ۔ انہوں نے کہا کہ ہم نے پانامہ لیکس پر جو سٹینڈ لیا وہ جوش میں نہیں بالکل مکمل ہوش میں لیا ہے اور جب تک اس کا کوئی فیصلہ نہیں ہو جاتا اس وقت تک ہم چین سے نہیں بیٹھیں گے ۔ ایک سوال کے جواب میں چوہدری اعتزاز احسن نے کہا کہ پیپلزپارٹی کیسی کے ہاتھوں ٹر یپ نہیں ہو رہی لیکن (ن) لیگ والوں کی کر پشن اور انکے اصل چہرے ضرورقوم کے سامنے بے نقاب ہو رہے ہیں ۔ انہوں نے کہا کہ اگر اپوزیشن جماعتیں سڑکوں پر آئیں گی تواسکی ذمہ داری کسی اور نہیں صرف نوازشر یف اور انکی حکومت پر عائد ہوگی جو احتساب سے بھاگ رہے ہیں ۔