لندن (مانیٹرنگ ڈیسک)برطانوی شہریوں کی بڑی تعداد نے پاؤنڈز بیچ کر یورواورڈالر خرید لیے ۔غیرملکی خبررساں ادارے کے مطابق گزشتہ روز کرنسی ایکسچینج کمپنیوں کی جانب سے بتایا گیا ہے کہ یورپی یونین کی رکنیت رکھنے یا چھوڑنے سے متعلق ریفرنڈم سے قبل اس سرگرمی میں واضح اضافہ دیکھا گیا ہے۔ ماہرین کے مطابق یورپی یونین سے اخراج کی صورت میں برطانوی پاؤنڈ کی قدر میں نمایاں کمی ہو سکتی ہے اور اسی تناظر میں برطانوی شہری اپنے سرمایے کو ڈالر اور یورو میں تبدیل کر رہے ہیں۔ اس سے قبل بھی عوامی جائزوں کے تناظر میں پاؤنڈ کی قدر میں اتار چڑھاؤ دیکھا گیا ہے۔