ممبئی  بالی ووڈ اداکار آدھیان سمن نے فلم ’’عشق کلک ‘‘ کے سیٹ پر اداکارہ سارہ لورین کو شادی کی پیشکش کر دی۔ بالی وڈ اداکار آدھیایان سمن جو کہ اداکارہ سارہ لورین کے ساتھ فلم ’’عشق کلک ‘‘ میں کام کر رہے ہیں، عکسبندی کے آخری روز سیٹ پر ہی پروڈیوسر اجے بیسوال اوردیگر عملے کے سامنے اداکارہ سارہ لورین سے اپنی محبت بھرے جذبات کا اظہار کیا اور ان کو شادی کی پیشکش کر دی ہے جس پر فلم کا تمام تر عملہ تالیاں بجاتے ہوئے اور سیٹی بجاتے ہوئے دکھائی دیا۔ انھوں نے سارہ لورین کے لیے خصوصی گانا بھی گایا۔ اداکارہ کا اس موقع پر چہرہ دمک آٹھا اور ور شرماتی ہوئی دکھائی دیں۔ فلم ’’عشق کلک‘‘ ایک فوٹو گرافر کی کہانی ہے۔ فلم جلد ہی سینما گھروں کی زینت بنے گی۔