لاہور گلوکارہ حمیرا ارشد نے ورلڈکپ کے لئے بنائے گئے خصوصی گانے کی وڈیو مکمل کرلی ہے اور اب اس کی پوسٹ پروڈکشن جاری ہے جس کے مکمل ہوتے ہی اسے ریلیز کردیا جائے گا۔اس وڈیو میں حمیرا ارشد کے ہمراہ اکرم راہی ،ملکو،مظہر راہی،احمد بٹ،خوشبو اور ارباز خان سمیت بہت سے فنکاروں نے حصہ لیا،جبکہ اس وڈیو کی شوٹنگ لاہور کے مختلف مقامات پر کی گئی۔اس حوالے سے گفتگو کرتے ہوئے حمیرا ارشد نے بتایا کہ ورلڈ کپ میں پاکساتنی ٹیم کی حوصلہ افزائی اور لوگوں میں جوش وجذبہ پیدا کرنے کے لئے یہ وڈیو بنایا گیا ہے جسے ایک دو روز میں ریلیزکردیا جائے گا اور اس کی باقاعدہ لانچنگ تقریب بھی ہوگی جس میں بہت سے فنکاروں اور دیگر شخصیات کو مدعوکیا جارہا ہے۔