اسلام آباد(آئی این پی)وزیر داخلہ چوہدری نثار علی خان نے ڈی جی ایف آئی اے سے اختلافات اور ان کوڈانٹنے کی خبروں کی تردید کر دی ۔منگل کو پنجاب ہاؤ س میں پریس کانفرنس کر تے ہوئے ایک سوال کے جواب میں وزیر داخلہ نے کہا کہ میری طرف سے ڈی جی ایف آئی اے کو کوئی ڈانٹ ڈپٹ نہیں کی گئی، میں نے ڈی جی ایف آئی سے صرف اتنا پوچھا کہ ایف آئی میں اصلاحات کے حوالے سے رپورٹ مجھے اور وزارت داخلہ کو ملنے سے پہلے میڈیا کو کیسے مل گئی ،میں نے ڈی جی ایف آئی اے سے کہا کہ اصلاحات کی رپورٹ میڈیا میں آنے کی تحقیقات کریں، جس پر ڈی جی املیش نے موقف کے بعد کہا کہ میں نے اعتماد کھو دیا ہے، استعفیٰ لکھ دیتا ہوں، تو میں نے کہا کہ اس کی ضرورت نہیں ہے۔