اسلام آباد(نیوزڈیسک) گرمی کا زور ہے اورلوڈ شیڈنگ کی تو بات ہی مت کیجئے۔لوگوں نے دکانوں کا رخ کر لیا ہے ۔کوئی لوڈ شیڈنگ کے علاج کیلئے ہاتھ سے بنے پنکھے لے رہا ہے تو کوئی گرمی دانوں کے حل کیلئے ٹیلکم پاؤڈر لینے دکان آیا ہے۔
سبزی منڈی میں لوگوں کا رش بڑھ چکا ہے ۔ حکما ء حضرات کہتے ہیں کہ موسمی پھل اور سبزیاں گرمی کے توڑ کا شافی علاج ہیں ۔ گرمی کے موسم کی مفید ترین چیزوں میں باقی تمام سبزیوں کے ساتھ ساتھ کریلے سرفہرست ہیں ۔انتہائی کڑوا ذائقہ لئے مگر پکنے کے بعد انتہائی لاجواب یہ سبزی بے پناہ خصوصیات کی حامل ہے ۔
گرمی دانے ہوں یا شوگر ، جوڑوں کا درد ہو یا پیٹ کے کیڑے ، لقوہ فالج ہو یا یرقان ، تبخیرِ معدہ ہو یا زخموں کی تکلیف ان تمام میں کریلے کی افادیت سے انکار کسی صورت ممکن نہیں ۔
ماہرین کے مطابق گرمی دانوں کے علاج کیلئے ہفتے میں ایک بار ایک کپ کریلے کے چھلکوں کے رس سے بہتر کوئی چیز ہو ہی نہیں سکتی ۔
طریقہ :
3سے 4کریلے لے کر ان کے چھلکوں کو کدو کش میں کرش کر لیں ۔کرش کرنے کے بعد اس ملغوبے کو مٹھی میں لے کر اس کا سارا پانی نچوڑ لیں ایک کپ جتنا رس ہو جائے تو اسے ہفتے میں ایک بار پانی کی طرح پی لیں ۔
کریلے کے ذریعے ان زخموں کا بھی علاج کیا جا سکتا ہے جو طویل عرصے سے بھرنے میں نہ آرہے ہوں۔
طریقہ :
کریلے کے بیجوں کو روغنِ بادام میں اچھی طرح پیس لیں اور پھر اس ملغوبے کو متاثرہ جگہ پر لگائیں ۔
