کراچی (آئی این پی )متحدہ قومی موومنٹ کی رابطہ کمیٹی نے ارم عظیم فاروقی کو پارٹی رکنیت سے تین ماہ کیلئے معطل کردیا۔تفصیلات کے مطابق متحدہ قومی موومنٹ کی رہنما ارم عظیم فاروقی کو رابطہ کمیٹی نے پارٹی رکنیت سے تین ماہ کیلئے معطل کردیا ہے ۔سماجی رابطے کی ویب سائٹ ٹویٹر پر اپنے بیان میں ارم عظیم فاروقی کا کہنا تھا کہ ایم کیوایم نے ایک مخلص کارکن کھو دیاہے۔ تنظیمی رکنیت سے معطلی کا فیصلہ قائد ایم کیوایم کی توثیق پر ہی قبول کروں گی،رابطہ کمیٹی نے میرے امن کے پیغام کی وجہ سے معطل کیا ہے۔ اسے قبل ایم کیوایم نے اعلامیہ جاری کیا تھا جس میں کہا گیاتھا کہ ارم عظیم فاروقی دو ماہ سے بیرون ملک مقیم ہیں اور نظم ضبط کی خلاف ورزی پر انہیں تنظیمی رکنیت سے معطل کر دیا گیاہے۔