اسلام آباد (این این آئی)محکمہ موسمیات نے کہا ہے کہ (آج)اتوار سے بالائی خیبر پختونخواہ، بالائی پنجاب، اسلام آباد، فاٹا،گلگت بلتستان اور کشمیر میں بعض مقامات پر تیز ہواؤں ٗآندھی اور گرج چمک کے ساتھ بارش کا امکان ہے جس سے حالیہ گرمی کی لہر کا زور ٹوٹ جائیگا۔ترجمان عمران احمد صدیقی کی جانب سے جاری بیان میں کہا گیا کہ آئندہ 24گھنٹوں کے دوران ملک کے بیشتر علاقوں میں موسم شدید گرم اور خشک رہیگا، پنجاب اور خیبر پختونخواہ کے میدانی علاقوں، سندھ (سکھر، لاڑکانہ، میرپور خاص، شہید بینظیر آباد ڈویژن) سبی اور مکران ڈویژن میں موسم شدید گرم رہیگا تاہم چوبیس گھنٹوں کے دور ان فاٹا، پشاور، کوہاٹ، راولپنڈی، فیصل آباد، سرگودھا، گوجرانوالہ، لاہور ڈویڑن، اسلام آباد میں چند مقامات پر تیز ہواؤں ٗآندھی چلنے کے علاوہ گرج چمک کیساتھ ہلکی بارش کاامکان ہے۔انہوں نے کہا کہ گزشتہ روز ریکارڈ کیے گئے گرم ترین مقامات کے درجہ حرارت کے مطابق دادو ٗجیکب آباد51، سبی ٗلاڑکانہ ٗ کوٹ ادو ٗ تربت ٗسکھر50 ٗموہنجوداڑو ٗرحیم یار خان ٗنورپورتھل ٗبہاولنگر ٗبہاولپور 49 ٗپڈعیدن ٗبھکر ٗ ڈی جی خان48 ٗاوکاڑہ، شہید بینظیر آباد، روہڑی، ملتان، ڈی آئی خان، خانپور، کوہاٹ 47 ڈگری سینٹی گریڈجبکہ لاہور میں کم سے کم درجہ حرارت 29، اسلام آباد 23، کراچی 29، پشاور 24، کوئٹہ اور گلگت 13، چترال 15اور ہنزہ میں 11ڈگری سینٹی گریڈ ریکارڈ کیا گیا ۔