اسلام آباد (این این آئی) پاکستان مسلم لیگ (ن )کے رہنما دانیال عزیز نے کہا ہے کہ پاکستان تحریک انصاف کے چیئر مین عمران خان اقتدار کی خاطر کسی بھی حد تک جا سکتے ہیں۔ عمران خان کے خطاب پر مسلم لیگ ن کے رہنما دانیال عزیز نے رد عمل دیتے ہوئے کپتان کے الزامات کو بے بنیاد قرار دیدیا۔ دانیال عزیز نے کہا کہ عمران خان سے بڑا بہتان باز کبھی نہیں دیکھا اور ان کی فیصل آباد کی تقریر جھوٹ پر مبنی تھی اور کچھ نہیں تھا۔ انہوں نے کہا عمران خان اقتدار کی خاطر کسی بھی حد تک جا سکتے ہیں۔