لاہور( این این آئی)پاکستان تحریک انصاف کے الیکشن کمیشن نے ڈیٹا کی تصدیق نہ ہونے کے باعث 2لاکھ80ہزار206ووٹرز بلاک کر دئیے ۔پی ٹی آئی الیکشن کمیشن کے ترجمان فرخ ڈال کے مطابق سینیٹرنعمان وزیرکی زیرصدارت تحریک انصاف الیکشن کمیشن کا اجلاس ہوا جس میں تصدیق نہ ہونے والے ووٹرز کو بلاک کرنے کا فیصلہ ہوا ۔ مجموعی طور پر27لاکھ5ہزار 92افراد نے موبائل فون کے ذریعے خود کو رجسٹرڈکروایاتھا۔ ترجمان کے مطابق 24لاکھ 25ہزار686ووٹرز کی تصدیق ہوچکی ہے جبکہ تصدیق نہ ہونے پر 2لاکھ 80ہزار 206ووٹرز بلاک کر دیئے گئے۔ترجمان کے مطابق پنجاب سے 1لاکھ89ہزار907 ، خیبرپختونخوا سے 65ہزار975اورسندھ سے 13ہزار725 ،بلوچستان سے 4ہزار906،اسلام آباد سے 3ہزار913 اورفاٹا سے 27ہزارافراد کی تصدیق نہیں ہوئی ۔