سر اور گردن کاکینسر ، کینسر کے تمام معاملات کا 6فیصد ہوتے ہیں ۔ ان کا آغاز منہ ، ناک ، تنفس کی نالیوں ، آواز کے غدود اور حلق سے ہوتاہے ۔ یہ اکثر جارحانہ نوعیت کے ہوتے ہیں اور اکثر سر اور گردن کے علاوہ دیگر اعضائے جسمانی میں بھی پھیلتے ہیں ۔ سر اور گردن کے کینسر کی چند عمومی علامات یہ ہیں ۔ یہ تمام علامات کینسر کے علاوہ کسی دیگر عارضے سے بھی سامنے آسکتی ہیں ۔
الف ۔منہ کے اندر ایک السر جو چند ہفتوں کے اندر مندمل نہ ہوتا ہو ۔
ب۔نگلنے میں دشواری یا نگلنے یا چبانے میں دشواری محسوس ہونا ۔
ج۔آواز میں مسلسل خرابی یا بولنے میں دشواری ۔
د۔مسلسل آواز دار سانس۔
ہ۔گلا مسلسل خراب ہونا ۔
و۔ایک جانب متاثر کرنے والا کان کا درد ۔
ز۔منہ یا گردن میں سوجن یا گلٹی ۔
ح۔ہونٹوں یا منہ میں بے حسی کا احساس۔
ط۔بلاوجہ دانت کا ہلنا ۔
ی۔مسلسل ناک بند رہنا ۔
ک۔بار بار نکسیر پھوٹنا
ل۔کان میں گھنٹیاں بجنا یا سماعت میں دشواری ہونا
یاد رکھیں !جتنا جلدی کینسر کی تشخیص ہوگی ، علاج میں کامیابی کے امکانات اتنے ہی زیادہ روشن ہو ں گے ۔ تحقیق سے پتا چلا ہے کہ ریشے دار غذائیں کھانے سے کینسر کا امکان کم ہوجاتاہے مگر بازار میں آنے والی نئی ریشے دار غذائیں اس سلسلے یں مناسب خیال نہیں کی جارہیں ،کیونکہ ان میں جو خالص قسم کا ریشہ ہوتاہے وہ غذائوں سے مشینوں کے ذریعے نکالا جاتاہے ۔معمولی نظر آنے والی کریلے کی ترکاری سر اور گردن کے مہلک کینسر کے انسداد کی خصوصیت رکھتی ہے ۔اس عام ترکاری کا رس سر اور گردن کے مہلک مرض کینسر کا علاج ہے ۔عام کریلا سر اور گردن کے کینسر کے خلیوں کی افزائش روک دیتاہے ۔سیاہ رنگ چاکلیٹ اور بعض غذائیں کینسر کو ختم کرنے کی صلاحیت رکھتی ہیں ۔انگور سرطان کے تحفظ میں میسر ہے جو انسانوں میں چھاتی ، غذود ، مثانے اور کئی قسم کے سرطانمیں فائدہ مند ہے ۔