راولپنڈی (نیوزڈیسک) چیف آف آرمی سٹاف جنرل راحیل شریف نے اردن کی سپیشل آپریشنز فورسز کی فیلڈ ایکسر سائز کا معائنہ کیا ۔آئی ایس پی آر کے مطابق اردن کے سرکاری دورے پر موجود پاک فوج کے سربراہ جنرل راحیل شریف نے کنگ عبد اللہ سپیشل آپریشنز ٹریننگ سنٹر میں ہونے والی اردن کی سپیشل آپریشنز فورسز کی فیلڈ مشقوں کا معائنہ کیا ۔اس موقع پر جنرل راحیل شریف نے تربیتی مرکز کے اعلیٰ معیار کو سراہا ۔انہوں نے مشقوں میں شریک اردن کی آپریشنز فورسز کے جوانوں سے تبادلہ خیال بھی کیا آرمی چیف نے کہاکہ انسداد دہشتگردی کے حوالے سے آپریشنز میں دونوں ممالک کو ایک دوسرے کے تجربات کا تبادلہ کر کے ان سے فائدہ اٹھاناچاہیے ۔