رحیم یار خان(نیوزڈیسک) کچہ کے علاقہ میں جاری آپریشن ضرب آہن میں دریائی علاقہ میں واقع جزیروں کا کنٹرول سکیورٹی فورسز نے سرچ آپریشن کے بعد رینجرز کے حوالے کر دیا میڈیا رپورٹ کے مطابق کچہ جمال‘ کچہ جمال ٹو‘ کچہ موری سمیت دیگر جزیروں میں چھوٹو گینگ سمیت دیگر جرائم پیشہ افراد کی جانب سے بتائے گئے مورچے تباہ کر دیئے گئے۔ ذرائع کے مطابق سکیورٹی فورسز ان جزیروں سے ملحقہ آبادیوں میں گھر گھر سرچ آپریشن کر رہی ہیں ، ادھر سکیورٹی فورسز کے سامنے ہتھیار ڈالنے والے چھوٹو گینگ کے 13 ساتھیوں کی فہرست بھی منظر عام پر آگئی جن میں غلام رسول عرف چھوٹو‘شبیر عرف بہادر ‘ دین عرف فیضو‘ رزاق ‘ حیدر عرف علی ‘ رشید ‘ حاکم ‘ اسحاق‘ خالد ‘ ماجد بھٹی ‘ بہرام ‘ اکرم عرف ملاں اور رشید احمد ولد مولا شامل ہیں۔