الریاض(نیوزڈیسک) سعودی ولی عہد شہزادہ محمد بن سلمان نے باور کرایا ہے کہ اعلان کیا گیا سعودی ویژن پروگرام آئندہ 15 برسوں کے لیے مملکت کے ترقیاتی اور اقتصادی اہداف کی نمائندگی کرتا ہے۔عرب ٹی وی کو دیئے گئے ایک انٹرویومیں انہوں نے انکشاف کیا کہ ویژن پروگرام جاری رہے گا خواہ تیل کی قیمتیں بلند ہوں یا کم، انہوں نے اس جانب بھی اشارہ کیا کہ یہ پروگرام تیل کی بلند قیمتوں کا محتاج نہیں بلکہ تیل کی کم قیمتوں کے ساتھ معاملہ کرنے والا ہے۔ ہم 2020 میں تیل کے بغیر بھی جی سکتے ہیں۔نائب ولی عہد نے ارامکو کمپنی کے بارے میں بھی بات کی اورکہاکہ اس کے تمام امور بینکوں اور دیگر متعلقہ اداروں کی نگرانی میں عمل میں لائے جائیں گے۔ہمیں مملکت میں تیل کی لت پڑ چکی ہے جس کی وجہ سے بہت سے سیکٹروں میں ترقی معطل ہوگئی۔ انہوں نے واضح کیا کہ شاہ عبدالعزیز اور ان کے ساتھیوں نے مملکت کو تیل کے بغیر قائم کیا اور چلایا تھا۔شہزادہ محمد کا کہنا تھا کہ ہماری فوج عسکری اخراجات کے لحاظ سے تیسرے اور جائزے کی درجہ بندی میں بیس ویں نمبر پر ہے اور یہ خرابی ہے۔ انہوں نے امید ظاہر کی کہ سعودی عرب دنیا میں بدعنوانی کی کم ترین شرح رکھنے والا ملک ہو اور نجکاری انسداد بدعنوانی کا ایک اہم حصہ ہے۔