واشنگٹن (نیوزڈیسک) ارب پتی کاروباری شخصیت ڈونلڈ ٹرمپ اور سابق خاتون اول ہلیری کلنٹن امریکی صدارتی امیدوار بننے کی دوڑ میں مزید ایک قدم آگے بڑھ گئے ۔میڈیارپورٹس کے مطابق نیویارک میں گزشتہ شب ہونے والی پرائمریز میں ریپبلکن پارٹی کے ڈونلڈ ٹرمپ نے اور ڈیموکریٹک پارٹی کی طرف سے ہلیری کلنٹن نے بڑی کامیابیاں حاصل کیں۔ ریپبلکن پارٹی کی پرائمری میں ڈونلڈ ٹرمپ نے 60.5 فیصد ووٹ حاصل کیے جبکہ ان کے قریب ترین حریف اور ریاست اوہائیو کے گورنر جان کیسش کو 25.1 فیصد ووٹ ملے۔ ٹَیڈ کروز محض 14.5 فیصد ووٹ حاصل کر پائے۔ ڈیموکریٹک پارٹی کے ریاستی انتخابات میں سابق وزیر خارجہ ہلیری کلنٹن نے 57.7 فیصد جبکہ برنی سینڈرز نے 42.1 فیصد ووٹ حاصل کیے۔ امریکا میں صدارتی انتخابات رواں برس نومبر میں ہونا ہیں۔