ممبئی: شوگر کے مرض میں مبتلا بالی ووڈ ادکارہ سونم کپور کو ایک اور خطرناک بیماری کے باعث اسپتال منتقل کردیا گیا ہے۔
بھارتی میڈیا رپورٹس کے مطابق سونم کپور کو سانس کی تکلیف کے باعث اسپتال منتقل کر دیا گیا جہاں ان کا طبی معائنہ کیا جارہا ہے۔ سونم کپور نے اسپتال سے سوشل میڈیا ویب سائٹ ٹویٹر پر اپنے پیغام میں کہا کہ انہیں بیمار ہونے سے نفرت ہے۔
واضح رہے کہ سونم کپورکو ہداتیکار سورج برجاتیا کی فلم ’پریم رتن دھن پایو‘ کی شوٹنگ کے دوران سانس کی تکلیف کی شکایت ہوئی تھی۔ اس کے علاوہ سونم کپور شوگر کے مرض میں بھی مبتلا ہیں۔
