لاہور(نیوز ڈیسک) لاہور گلشن اقبال پارک میں دھماکے کے بعد فیس بک کی جانب سے فوری ایک خصوصی فیچر جاری کردیا گیا ہے۔ تفصیلات کے مطابق لاہور کے معروف تفریحی مقام علامہ اقبال پارک میں دھماکہ ہوا ہے جس کے نیتجے میں آخری اطلاعات موصول ہونے تک 55 سے زائد افراد شہید جبکہ 100 سے زائد زخمی ہوئے ہیں۔ اس تمام صورتحال میں سماجی رابطے کی ویب سائٹ فیس بک کی انتظامیہ بھی فوری حرکت میں آ گئی ہے۔ فیس بک کی جانب سے فوری ایک خصوصی فیچر جاری کیا گیا ہے جس کے ذریعے لوگ خود کے محفوظ ہونے سے متعلق اپنے دوست احباب اور اہل وعیال کو مطلع کر سکتے ہیں۔