پاکستانی سپراسٹار فواد خان نے 2015 میں اپنے لیے ایک دلچسپ مقصد کا انتخاب کرلیا۔

ٹائمز آف انڈیا سے بات کرتے ہوئے پاکستان میں ‘ہمسفر’ اور ‘زندگی گلزار ہے’ جیسے ڈراموں سے شہرت حاصل کرنے والے فواد خان نے کہا کہ وہ رواں برس ایک ایسی فلم میں کام کرنا چاہتے ہیں جس میں انہیں بہت زیادہ ڈانس کرنے کا موقع ملے۔

انہوں نے کہا کہ بولی وڈ کو روایتی طور پر اس کے گانوں اور ڈانس نمبرز کی بناءپر جانا جاتا ہے اور فی الحال مجھے اب تک اپنی اس صلاحیت کے اظہار کا موقع نہیں مل سکا ہے۔

فواد خان کا کہنا تھا کہ وہ چاہتے ہیں کہ لوگ جان سکیں کہ وہ کتنا اچھا ڈانس کرسکتے ہیں۔

خیال رہے کہ گزشتہ سال فلم ‘ خوبصورت’ کے ذریعے بولی وڈ میں ڈیبیو کرنے والے فواد خان نے اپنی اداکاری پر بہترین نئے اداکار کا فلم فیئرایوارڈ اپنے نام کیا تھا۔

اسی طرح انہیں اب تک چار سے پانچ فلموں میں کاسٹ کیے جانے کی بھی اطلاعات ہیں جن میں وہ سونم کپور، ایشوریہ رائے، عالیہ بھٹ، سوناکشی سنہا اور پریانکا چوپڑا کے مدمقابل نظر آئیں گے۔