اسلام آباد(نیوز ڈیسک) پیپلز پارٹی کےچیئرمین بلاول بھٹو زرداری کا کہنا ہے کہ ملک کو درپیش چیلنجز سے نمٹنے کے لئے اتحاد اوراتفاق رائے ضروری ہے جبکہ دہشت گردی کے خاتمے کیلئے تمام جماعتوں کو ملکرکام کرناہوگا‘ہمیں الیکشن جیتنے اور حکمرانی کی سوچ سے باہرنکلناہوگا‘ پیپلز پارٹی ‘مسلم لیگ (ن) اور تحریک انصاف متحدہوجائیں توکیانہیں ہوسکتا‘ مسائل سے تنہا نمٹنا ریاست یا کسی ایک جماعت کے بس کی بات نہیں ‘انسانی اسمگلنگ اکیسویں صدی میں انسانی غلامی کے برابر ہے ‘ اس کے خاتمے کے لیے دنیا کی تمام قوموں کو یکسوئی سے کام کرنا ہوگا۔اسلام آباد میں ایشیا کی سیاسی جماعتوں کی بین الاقوامی کانفرنس سے خطاب کرتے ہوئے بلاول بھٹو زرداری کا کہنا تھا کہ مشکلا ت سے نمٹنا کسی اکیلی سیاسی جماعت کے بس کی بات نہیں ہے بلکہ اس کے لئے اتحاد کی اشد ضرورت ہے، سیاسی جماعتیں متحد ہو کردہشت گردی کا مقا بلہ کر یں۔ ان کا کہنا تھا کہ انسانی اسمگلنگ اکیسویں صدی میں انسانی غلامی کے برابر ہے جہاں اس کے خاتمے کے لیے دنیا کی تمام قوموں کو یکسوئی سے کام کرنا ہوگا اورعا لمی برادری کو اس سلسلے میں اپنا کردار ادا کرنا ہوگا۔چیلنجز سے نمٹنے کا نسخہ وسیع تر اتحاد ہے،پیپلز پارٹی،ن لیگ اور پی ٹی آئی متحدہو جائیں تو کیا نہیں ہو سکتا ،دہشتگری کے خاتمے کے لئے تمام جماعتوں کو مل کر کام کرنا ہو گا،سب کو الیکشن جیتنے اور حکمرانی کرنے کی سوچ سے آگے نکلنا ہوگا ،بلاول بھٹو نےکہا کہ اس وقت ملک کو سنگین چیلنجز کا سامنا ہے جن سے نمٹنے کے لئے قومی اتحاد اور اتفاق رائے کی ضرورت ہے۔خطاب کے بعد بلاول بھٹو سے صحافی کی جانب سے نیب کے حوالے سوال پوچھا گیا کہ نیب کے پرکاٹے جارہے ہیں اس پروہ کیا کہنا چاہتے ہیں جس پرانہوں نے جواب دیا کہ نیب کو چھوڑیں اس پر کیا بات کرنی ہے۔

موضوعات:بلاول