بغداد(نیوز ڈیسک)عراق میں ایک سیکیورٹی چیک پوسٹ پر خود کش حملے میں کم از کم 31 افراد ہلاک جبکہ درجنوں زخمی ہو گئے۔ہلاک ہونے والوں میں 24 شہری جبکہ باقی سیکیورٹی اہلکار تھے۔اتوار کی دوپہر ایک خود کش بمبار نے بارود سے بھرا ایک فیول ٹرک ہلہ شہر کے داخلی راستے پر قائم چیک پوسٹ سے ٹکرا دیا۔ایک پولیس افسر نے بتایا کہ حملے کے وقت پوسٹ پر درجنوں گاڑیاں موجود تھیں۔پولیس افسر کے مطابق،بغداد کے جنوب میں 95 کلو میٹر دور شہر ہلہ میں ہوئے دھماکے میں55 افراد زخمی ہوئے جبکہ 20 گاڑیوں کو نقصان پہنچا۔گزشتہ ایک مہینے کے دوران عراق میں پرتشدد کارروائیوں میں ایک سو سے زائدہلاکتیں ہو چکی ہیں۔ ابھی تک کسی نے واقعہ کی ذمہ داری قبول نہیں کی۔