اتوار‬‮ ، 17 مئی‬‮‬‮ 2026 

ایمیرٹس ائیر لائن نے نئی تاریخ رقم کر دی، دنیا کی طویل ترین براہ راست پرواز دبئی سے اڑ کر آکلینڈ میں اتر گئی

datetime 3  مارچ‬‮  2016 |

دبئی (نیوز ڈیسک)ایمیرٹس کے ایک مسافر طیارے اے 380 جیٹ نے بغیر کسی وقفے کے اب تک کی طویل ترین مسافت کی پیشہ ورانہ پرواز کا ایک نیا ریکارڈ قا ئم کیا ہے۔مسافر طیارے اے 380 جیٹ نے بدھ کے روز دبئی سے پرواز بھری اور درمیان میں بغیر کسی وقفے کے نیوزی لینڈ کے شہر آکلینڈ تک کا 14,200 کلو میٹر کی مسافت کا سفر طے کیا۔نیوزی لینڈ کے ذرائع ابلاغ کے مطابق دبئی واپس ہونے کے لیے جہاز مقامی وقت کے مطابق شام کے دس بج کر بیس منٹ پر دوبارہ پرواز پر روانہ ہوگیا۔توقع کی جا رہی تھی کہ یہ فلائٹ مسافت کے ساتھ ساتھ طویل ترین دورانیے کی بھی پرواز ثابت ہوگی لیکن یہ وقت سے کافی پہلے ہی زمین پر اتر گئی۔نیوزی لینڈ کے ایک اخبار ہیرلڈ کے مطابق یہ اندازہ لگایا گیا تھا کہ دبئی سے آکلینڈ کے درمیان سفر کے لیے 17 گھنٹے 15 منٹ کا وقت لگے گا لیکن یہ مسافت 16 گھنٹے 24 منٹ میں ہی پوری ہوگئی۔کمپنی اسی ماہ دبئی سے پناما شہر تک ایک فلائٹ شروع کرنے کا منصوبہ بنا رہی ہے جس کی پرواز کا دورانیہ 17 گھنٹے 35 منٹ تک ہوگا،اطلاعات کے مطابق اس نئے روٹ سے سفر کرنے میں تقریباً تین گھنٹے کا وقت کم لگے گا۔اس روٹ کے افتتاح کے لیے اے 380 مسافر طیارے کا استعمال کیا گیا لیکن کہا جا رہا ہے کہ کمپنی عام طور پر اس روٹ کے لیے بوئنگ 777 کا استعمال کرے گی۔قنٹاس ڈلاس۔ سڈنی فلائٹ، جو صرف 13،800 کلو میٹر تک کی مسافت طے کرتی ہے، اس وقت دورانیے کی مناسبت سے طویل ترین فلائٹ ہے جو 16 گھنٹے 55 منٹ تک پرواز کرتی ہے۔لیکن ایمیرٹس کی کمپنی اس ریکارڈ کو بھی توڑنے کے لیے پر عزم ہے۔ کمپنی اسی ماہ دبئی سے پاناما شہر تک ایک فلائٹ شروع کرنے کا منصوبہ بنا رہی ہے جس کی پرواز کا دورانیہ 17 گھنٹے 35 منٹ تک ہوگا۔سنگا پور کی ایئر لائن سنگا پور نیو جرسی کے درمیان پرواز کیا کرتی تھی اور اسے اس پرواز کے لیے 19 کھنٹے لگتے تھے جو سب سے طویل دورانیے کی پرواز تھی۔یہ ابھی تو بند ہے لیکن کمپنی نے اعلان کیا ہے کہ وہ سنہ 2018 تک اسے دوبارہ شروع کرنے کا ارادہ رکھتی ہے۔

آج کی سب سے زیادہ پڑھی جانے والی خبریں


کالم



آئی سٹل لو یو


یہ بنیادی طور پر محبت کی کہانی تھی‘ جارج سمتھ…

’’آزادی کی ہوا چل رہی ہے‘‘

یہ 1882ء کی ایک گرم دوپہر تھی‘ ہارورڈ یونیورسٹی…

موسمی پرندے

’’ مجھے سمجھ نہیں آ رہی‘‘ نوجوان وزیر نے دانشور…

آپریشن بنیان المرصوص (آخری حصہ)

سر ونسٹن چرچل لوگوں کو ہمیشہ خوش نصیبی کی دعا…

آپریشن بنیان المرصوص (چوتھا حصہ)

مئی کی پاک بھارت جنگ پہلگام کے واقعے سے سٹارٹ…

آپریشن بنیان المرصوص(تیسرا حصہ)

ہمیں کہانی کو آگے بڑھانے سے قبل ایک اور حقیقت…

آپریشن بنیان المرصوص(دوسرا حصہ)

ظہیر احمد بابر کا کیریئر بظاہر ائیر کموڈور پر…

آپریشن بنیان المرصوص

میری درخواست ہے آپ تھوڑی دیر کے لیے اپریل 2025ء…

مذاکرات کی اندرونی کہانی

پاکستان میں ایران کے سفیر رضا امیری مقدم ہیں‘…

گریٹ گیم (آخری حصہ)

میں اس سوال کی طرف آئوں گا لیکن اس سے قبل ایک حقیقت…

گریٹ گیم(چوتھا حصہ)

لیویونگ زنگ اور اس کا بھائی لیویونگ ہو چین کی…